Miðstöð fyrir millilandagreiðslur varð til sem nauðsynleg forsenda beitingu löggjafar Evrópusambandsins og alþjóðlegra samninga um félagslegt öryggi á sviði almannatrygginga. Miðstöð fyrir millilandagreiðslur er félag lögpersóna (sjúkratryggingastofnana). Stofnendur og meðlimar miðstöðvarinnar eru allar sjúkratryggingastofnanir sem starfa í Tékklandi.

Miðstöð fyrir millilandagreiðslur starfar frá 1. janúar  2002 með heimild Heilbrigðisráðuneytis Tékklands sem tengiliður á sviði sjúkratrygginga Tékkneska lýðveldisins og tryggir einkum eftirfarandi starfsemi:

Upplýsingaþjónusta

Við söfnum og veitum allar upplýsingar um beitingu löggjafar Evrópusambandsins og alþjóðlegra samninga á sviði sjúkratrygginga. Gegnum netsíður, upplýsingaefni, prentað efni, síma- og tölvupóststjónustu veitum við bæði tékkneskum og erlendum tryggingatökum upplýsingar um réttindi þeirra sem þeir öðlast á grunni alþjóðlegrar löggjafar og einnig um formleg skref sem nauðsynleg eru fyrir beitingu þessara réttinda. Þessa upplýsingaþjónustu veitum við einnig tékkneskum og erlendum stofnunum og vinnuveitendum. Miðstöðinni  ber skylda til að skrá tölfræðilegar staðreyndir sem þjóna ríkisstofnunum og sjúkratryggingastofnunum svo bæta megi skipulag væntanlegara tekna og útgjalda sem tengdar eru framkvæmd samninganna.

Ráðgjöf

Við tryggjum ráðgjöf fyrir

• Tékkneskar sjúkratryggingastofnanir
• Félög sjúkratryggingastofnana
• Aðra tékkneska og erlenda aðila sem veita almannatryggingar
• Tékkneska tryggingataka og vinnuveitendur

• Erlenda tryggingataka og vinnuveitendur
• Tékkneskar heilsustofnanir
• Erlendar heilsustofnanir

Laga-, tækni- og rekstrarmál, sem varða tilkall til sjúkratryggingabóta úr almannatryggingum við dvöl tékkneskra tryggingataka erlendis eða við dvöl erlendra tryggingataka í Tékkneska lýðveldinu, varðar einkum:

• Stofnanir, lagaforskriftir, framlagningu umsóknar um bætur, eyðublöð og önnur tiltekin mál sem nátengd eru alþjóðlegum lagaákvæðum um dvöl erlendis í fríi eða við atvinnu eða e.t.v. við önnur tækifæri.
• Uppgjör kostnaðs í tilfelli ef læknistjónustu var neytt við tímabundna dvöl eða langtímadvöl í tilteknu Evrópu- eða öðru samningslandi
• Mál sem varða hjálparlæknisþjónustu tékkneskra sjúkratryggingastofnana fyrir erlenda tryggingataka sem dvelja í Tékklandi  eða eru búsettir þar
• Meðhöndlun leiðbeininga fyrir tékkneska tryggingataka, sjúkratryggingastofnanir og tékkneskar heilsu- og læknastofnanir

• Mál sem varða lagaforskriftir

Kostnaðaruppgjör

Kostnaður við bætur sem tékkneskir tryggingatakar hafa fengið í ríkjum Evrópusambandsins og í samningsríkjum, eins og kostnaður við bætur sem greiddar voru tryggingatökum úr ríkjum Evrópusambandsins og samningsríkjum við Tékkneska lýðveldið, er gerður upp með milligöngu Miðstöðvar fyrir millilandagreiðslur. Um skilyrði uppgjörs þessa kostnaðar semur Miðstöðin við viðkomandi tengilið í tilteknu samningsríki.

Samningar

Miðstöð fyrir millilandagreiðslur undirritar samninga við erlenda tengiliði sem einfalda hagkvæma  og virka framkvæmd lagaákvæða Evrópusambandsins sem og almenna mllilandasamninga. Þeir taka fyrir til dæmis tíðni gagnkvæmra greiðslna, samninga um fyrirframgreiðslur fyrir veitta þjónustu  og önnur hagkvæm  mál.

Afgreiðsluhjálp

Miðstöð fyrir millilandagreiðslur veitir bæði tékkneskum og erlendum tryggingatökum, sjúkratryggingaberum, sjúkrastofnunum og vinnuveitendum afgreiðsluhjálp í ákveðnum tilfellum.

Samstarf við ríkisaðila

Miðstöð fyrir millilandagreiðslur tekur í samstarfi við Heilbrigðisráðuneytið og Félags- og atvinnumálaráðuneytið þátt í undirbúningi nýrra millilandasamninga um almannatryggingar og rekstrarsamkomulaga er ná til þessa samninga. Miðstöðin tekur í samstarfi við ríkisstofnanir einnig fullan þátt í undirbúningi  nýrra viðmiða í hinu evrópska réttarkerfi á þessu sviði.  Miðstöðin vinnur með öðrum aðilum að undirbúningi lagabreytinga varðandi sjúkratryggingar sem snerta önnur lönd. Miðstöðin starfar saman  með tékkneskri  yfirstjórn almannatrygginga  við veitingu undantekninga frá tékkneskri lögsögu.

Samstarf við evrópska aðila

Miðstöðin tekur virkan þátt í starfsemi vinnuhópa Rekstrarráðsins (Audit Board, Technical Commission, vinnuhópar).

Alla ofangreinda starfsemi tryggir Miðstöðin frá 1. maí 2004 gagnvart 25 ríkjum Evrópusambandsins, þremur ríkjum Evrópska efnahagssvæðisins og þremur samningsríkjum.