Stutt yfirlit  um tékkneska heilbrigðiskerfið:

1. Hver er tryggður?

Tékkneska heilbrigðiskerfið byggir á skyldubundnum sjúkratryggingum sem tryggingatakar, vinnuveitendur og ríkið greiða framlög í.

Samkvæmt lögum eru sjúkratryggðir þeir sem eru með lögheimili í Tékkneska lýðveldinu og einnig starfsfólk vinnuveitenda sem eru skráðir í Tékklandi.

Frá og með 01.05.2004 eru samkvæmt lögum einnig þeir sjúkratryggðir sem koma frá öðru Evrópusambandsríki og eru sjálfstætt starfandi í Tékklandi og einnig starfsmenn vinnuveitanda sem eru skráðir í öðru Evrópusambandsríki. Sérhver tryggingataki getur skipt um sjúkratryggingastofnun einu sinni á ári.

2. Hver borgar sjúkratryggingaframlög?

1. Starfsmaður og vinnuveitandi borga samtals 13,5 % af tekjum fyrir skattlagningu. Þaraf borgar starfsmaður  4,5% og vinnuveitandi 9%.

2. Sjálfstætt starfandi greiða 13,5% af 50% af hagnaði sem þeir hafa náð. Lágmarks sjúkratryggingaframlag er 1360 CZK á mánuði. 

3. Persónur án skattskyldra tekna (t.d. heimavinnandi konur) greiða sjúkratryggingaframlag sjálfar. Mánaðarframlag er þá 1080 CZK.

4. Ríkið greiðir framlög fyrir atvinnulausa, ellilífeyrisþega, námsmenn, konur í barneignaorlofi, konur sem annast eitt barn undir 7 ára aldri  eða fleiri börn undir 15 ára aldri , fanga, hermenn og þá sem þiggja almannatryggingabætur.

Ríkið borgar sjúkratryggingaframlög fyrir 53% af þjóðinni. Tryggingaframlag er 13,5% af 80% lágmarkslauna. Á þessari stundu borgar ríkið fyrir eigin tryggingaþega u.þ.b. 500 CZK á mann að meðaltali. .

Sjúkratryggingaframlög frá vinnuveitendum, sjálfstætt starfandi fólki og fólki án skattskyldra tekna eru greidd beint til sjúkratryggingastofnanna. Ríkið greiðir sjúkratryggingaframlög í svokallaðan Endurúthlutunarsjóð. Þaðan er uppsöfnuðum framlögum endurúthlutað einstökum sjúkratryggingastofnunum.

3. Skipulag sjúkratrygginga:

Tékkneska sjúkratryggingakerfið er stýrt af níu tryggingastofnunum. Stærst þeirra, Almenna sjúkratryggingastofnunin  tryggir 66% tékkneskra borgara. Ríkið tryggir greiðslufærni hennar. Starfsemi hennar stjórnast  af sérstökum lögum um Almennu sjúkratryggingastofnunina.

Hinar átta sjúkratryggingastofnanirnar haga allri sinni starfsemi eftir lögum um sjúkratryggingastofnanir starfsmanna.

Sex sjúkratryggingastofnanir reka starfsemi innan alls  Tékkneska lýðveldisins, hinar einbeita sér  eingöngu að ákveðnum héröðum.

Sjúkratryggingastofnanir geta ekki verið reknað með hagnaði.

Þótt að í upphafi  hafi verið ætlunin að sjúkratryggingastofnanirnar myndu  keppa sín á milli með tilboðum  á ýmss konar  þjónustu , hafa þær mjög þröngt svigrúm  fyrir slíka samkeppni eins og er.

4. Heilbrigðisþjónusta greidd úr sjúkratryggingum

• fyrirbyggjandi heilsugæsla
• greiningaþjónusta
• læknis- og sjúkrahúsþjónusta ásamt endurhæfingu og umönnun langtímaveikra
• tannlæknaþjónusta 
• lyf og lækningamiðlar
• flutningar sjúklinga
• þjónusta á heilsulindastöðum

Til eru  þrír listar yfir lyf. Lyf á fyrsta listanum eru greidd að fullu af sjúkratryggingastofnun. Lyf af  hinum tveimur listunum verða sjúklingar að greiða sjálfir að hluta til eða að fullu.

Við tannlæknameðferð eru aðeins grunnefni og grunnmeðferð greidd. 

Aðeins takmarkað magn heilsuþjónustu er ekki greidd úr sjúkratryggingum, eins og t.d. fegrunarskurðaðgerðir án læknisfræðilegrar ástæðu.

Lækningaefni eru greidd úr sjúkratryggingum að hluta til eða að fullu.

Hlutdeild hins sjúkratryggða í kostnaði tékknesks heilbrigðiskerfisins er að meðaltali  u.þ.b. 8%. Það varðar aðallega lyf og tannlækningar.

5. Samningar við aðila sem veita læknisþjónustu

Rammaviðræður milli aðila sem veita læknisþjónustu, sjúkratryggingastofnana, samtaka sjúkrahúsa, vísindasamtaka og samtaka sjúklinga, fara fram með reglulegu millibili. Niðurstaða þessara viðræðna eru svokallaðir rammasamningar. Með hliðsjón til þeirra undirrita sjúkratryggingastofnanir samninga við staka aðila sem veita læknisþjónustu. Skilyrði þessara einkasamninga geta verið eitthvað mismunandi.

Aðili sem veitir læknishjálp getur undirritað samning við fleiri sjúkratryggingastofnanir eða jafnvel við allar.

Aðeins lítill hluti aðila sem veita læknisþjónustu hefur ekki undirritað samning við neina sjúkratryggingastofnun.

6. Önnur fjármögnun

Auk kerfisfjármögnunar úr kerfi skyldubundna sjúkratrygginga, eru til aðrar leiðir til að fjármagna heilbrigðiskerfi sem hafa ekki eins mikla þýðingu. Það eru fyrst og fremst framlög úr ríkis- eða sýslusjóðum, hlutdeild sjúkratryggða og gjafir.

7. Útgjöld

Heildarútgjöld tékkneska sjúkratryggingakerfisins nema u.þ.b. 6 fimm miljörðum evra  árlega.

Meðalkostnaður á einn tryggingataka á einu ári nema u.þ.b. 500 evrur  árlega.